టాలీవుడ్ భారీ ప్రాజెక్టులు బాహుబలి, రుద్రమదేవి సినిమాల్లో భల్లాలదేవ, చాణుక్యవీర భద్రుడి పాత్రల్లో నటించి ఒకేసారి రెండు సూపర్‌హిట్‌లను ఖాతాలో వేసుకున్నాడు నటుడు రానా. ఈ రెండు సినిమాల తర్వాత రానా మరో హిస్టారికల్ మూవీలో నటించేందుకు సైన్ చేశారు. రానా చోళుల కాలం నాటి ఇతివృత్తంతో తెరకెక్కుతున్న చారిత్రక చిత్రంలో నటిస్తున్నారు. తమిళ దర్శకుడు విష్ణువర్దన్ తెరకెక్కిస్తున్న తాజా ప్రాజెక్టులో అజిత్ కీలక పాత్రను పోషిస్తున్నారు. ఇందులో రానా కీలకమైన చోళరాజు పాత్రలో కనిపించనున్నారట.ఈ సినిమాకు సంబంధించి ఫ్రీ ప్రొడక్షన్ వర్క్స్ ఇప్పటికే ప్రారంభమయ్యాయి. షూటింగ్ లొకేషన్‌లో రానా, అజిత్ కలిసి ఉన్న ఫొటోను చూడవచ్చు.