దుబాయ్‌, అలాగే ఎమిరేట్స్‌లోని ఇతర ప్రాంతాల్లో బలమైన గాలులల కారణంగా దుమ్ము, ధూళి విపరీతంగా ఎగసిపడుతున్నాయి. పగటి పూట కొన్ని చోట్ల మేఘావృతమై ఉంటుందని, బలమైన గాలులు ఎప్పటికప్పుడు వీచే అవకాశం ఉందని నేషనల్‌ సెంటర్‌ ఆఫ్‌ మిటియరాలజీ అండ్‌ సెస్మాలజీ హెచ్చరికలు జారీ చేసింది. సముద్ర తీర ప్రాంతాలకు వెళ్ళేవారు, అక్కడి 'రఫ్‌ వెదర్‌'తో అప్రమత్తంగా ఉండాలని హెచ్చరించారు అధికారులు. మెబ్రె మౌంటెయిన్‌ ప్రాంతంలో 12 గంటల సమయానికి 10.3 డిగ్రీల అత్యల్ప ఉష్ణోగ్రత నమోదయ్యింది. రాత్రి వేళల్లో హ్యుమిడిటీ ఎక్కువగా ఉండనుంది. కోస్టల్‌ ఏరియాస్‌లో 70 నుంచి 85 శాతం, మిగతా ప్రాంతాల్లో 70 నుంచి 90 శాతం వరకు హ్యుమిడిటీ ఉండే అవకాశాలున్నాయి. అత్యధిక ఉష్ణోగ్రతలు 31 నుంచి 35 వరకు ఉండొచ్చు.