బాలీవుడ్ స్టార్ హీరో షారుఖ్ ఖాన్ ముద్దుల తనయుడు అబ్రం పీచు మిఠాయి కోన్ కావాలని అడిగాడట. అప్పుడు షారుఖ్‌తో ఉన్న బిగ్‌బీ అమితాబ్ బచ్చన్ స్టాల్‌కి తీసుకెళ్లి అబ్రంకి కోన్ కొనిచ్చారట. ఈ విషయాన్ని అమితాబ్ ట్విట్టర్ ద్వారా వెల్లడించారు. "అబ్రం, జూనియర్ షారుఖ్.. తనకు పీచు మిఠాయి కోన్ కావాలని అడిగాడు. కాబట్టి మేము స్టాల్‌కి తీసుకెళ్లి ఓ కోన్‌ని తయారు చేయించి ఇచ్చాము. అది తీసుకున్న వాడి ఆనందం వెలకట్టలేనిది." అని బిగ్‌బీ ట్వీట్ చేశారు. దీనిపై షారుఖ్ కూడా స్పందించారు. "థాంక్యూ సర్. ఈ మూమెంట్‌ని తను ఎప్పటికీ గుర్తు పెట్టుకుంటాడు. మిమ్మల్ని టీవీలో చూసినపుడు మీరు నా తండ్రి అని వాడు భావిస్తాడు." అని ట్వీట్ చేశారు షారుఖ్.