రస్‌ అల్‌ ఖైమా: రస్‌ అల్‌ ఖైమాలో ఓ రాడార్‌, గంటకు 204 కిలోమీటర్ల వేగంతో దూసుకుపోతున్న కారుని గుర్తించింది. సెంట్రల్‌ ఆపరేషన్స్‌ డైరెక్టర్‌ జనరల్‌ బ్రిగేడియర్‌ డాక్టర్‌ మొహమ్మద్‌ సయీద్‌ అల్‌ హుమైది మాట్లాడుతూ, ఇటీవలి కాలంలో ఇదే అత్యంత వేగం అని చెప్పారు. షేక్‌ మొహమ్మద్‌ జాయెద్‌ రోడ్డుపై అత్యధిక వేగం గంటకు 120 కిలోమీటర్లు కాగా, దానికి చాలా ఎక్కువైన గంటకు 204 కిలోమీటర్ల దూరంతో కారు దూసుకుపోయినట్లు చెప్పారాయన. నిర్లక్ష్యంతో, అతి వేగంతో వాహనం నడిపిన ఆ వాహన యజమాశ్రీనికి నోటీసులు పంపారు. 3,000 దిర్హామ్‌ల జరీమానా, 23 బ్లాక్‌ పాయింట్స్‌ అలాగే 60 రోజులపాటు వాహనాన్ని స్వాధీనం చేసుకోవడం వంటి చర్యలు తీసుకోబడతాయి స్పీడ్‌ లిమిట్‌ని మించి గంటకు 80 కిలోమీటర్ల వేగం దాటితే. ఈ ఏడాది రస్‌ అల్‌ ఖైమాలో 1,514 మంది గంటకు 60 కిలోమీటర్ల మేర అదనపు వేగంతో దూసుకుపోయినవారిని గుర్తించి, కేసులు నమోదు చేయడం జరిగింది.