యూఏఈ: నేషనల్‌ సెంటర్‌ ఫర్‌ మిటియరాలజీ అండ్‌ సెస్మాలసీ, ఈ వీకెండ్‌లో ఈ యూఏఈ వెదర్‌పై స్పష్టతనిచ్చింది. వర్షాలు, బలమైన గాలులతో యూఏఈలో ఈ వీకెండ్‌ వాతావరణ పరిస్థితులు కన్పిస్తాయని పేర్కొంది. సముద్రం రఫ్‌గా ఉంటుందని వెల్లడించింది. శుక్రవారం రాత్రికి రఫ్‌ నుంచి వెరీ రఫ్‌ స్టేజ్‌కి వాతావరణం మారిపోతుంది గనుక, అప్రమత్తంగా ఉండాలని సూచించింది. అరేబియన్‌ గల్ఫ్‌ ఆఫ్‌షోర్‌ ఏరియాస్‌, ఒమన్‌ సీ రఫ్‌గా ఉంటాయని బీచ్‌లకు వెళ్ళేవారు జాగ్రత్తగా ఉండాల్సిందేనని స్పష్టం చేసింది. కోస్టల్‌ అలాగే నార్తరన్‌ ప్రాంతాల్లో గురువారం మధ్యాహ్నం నుంచి మేఘాలు ఏర్పడి, వర్షం కురవనుంది. శనివారం వరకు ఇదే వాతావరణం కొనసాగుతుంది. ఈ కారణంగా ఉష్ణోగ్రతల్లో తగ్గుదల నమోదు కానుంది.