అబుదాబి:వీసా లేకుండా నేరుగా అనేక దేశాలకు ప్రయాణించే అవకాశం యూఏఈ తన దేశ ప్రజలకు అత్యంత శక్తివంతమైన పాస్‌పోర్టును జారీ చేస్తోంది. ఈ క్రమంలో మరింత శక్తివంతమైన పాస్‌పోర్టు కలిగిన దేశంగా యూఏఈ మారింది. వీసా లేకుండానే తమ దేశంలోకి యూఏఈ ప్రజలు ప్రయాణించేందుకు చైనా అంగీకరించింది. చైనాలోని ప్రాంతాలకు వీసా అనుమతి లేకుండానే ప్రయాణించవచ్చని వెల్లడించింది. యూఏఈ-చైనా మధ్య కుదిరిన సహకార ఒప్పందంలో భాగంగా చైనా ఈ నిర్ణయం తీసుకుంది. వ్యాపారవేత్తలు, ఇతర ముఖ్యమైన అవసరాల నిమిత్తం ఈ వెసులుబాటును తీసుకున్నామని చైనా అధికారులు వెల్లడించారు. ద్వైపాక్షిక సంబంధాలలో భాగంగా చైనా ఈ నిర్ణయం తీసుకుందని యూఏఈ విదేశీ వ్యవహారాల అసిస్టెంట్ అండర్ సెక్రటరీ ఫర్ కాన్సులార్ అఫైర్స్ అహమ్మద్ అల్ ధనేరి తెలిపారు. స్వచ్ఛమైన పరిపాలన అందిస్తున్న దేశం యూఏఈ అని ఆయన వ్యాఖ్యానించారు. యూఏఈ ప్రజలకు ఈ సౌకర్యం వచ్చే జనవరి నుంచి అందుబాటులోకి రానుందని ఆయన తెలిపారు.