యూఏఈ:రానున్న రోజుల్లో వర్షాలు విరివిగా కురవడంతోపాటుగా, చలిగాలుల ప్రభావం ఎక్కువగా ఉంటుందని నేషనల్‌ సెంటర్‌ ఫర్‌ మిటియరాలజీ వెల్లడించింది. దేశంలోని పలు ప్రాంతాల్లో క్లౌడ్‌ సీడింగ్‌ దీనికి కారణమని ఎన్‌సిఎం పేర్కొంది. ఎన్‌సిఎం డైరెక్టర్‌ ఆఫ్‌ రీసెర్చ్‌ అండ్‌ వెలప్‌మెంట్‌ ఒమర్‌ అల్‌ యజీది మాట్లాడుతూ, గత రెండ్రోజులుగా క్లౌడ్‌ సీడింగ్‌ మిషన్‌ ప్రభావంతో వర్షాలు విరివిగా పడుతున్నాయనీ, ఈ వర్షాలు ఇంకొన్ని రోజులు కొనసాగుతాయని తెలిపారు. భద్రత పరంగా తగిన జాగ్రత్తలు తీసుకుని ప్రతి ఒక్కరూ ఈ వర్షాల్ని ఎంజాయ్‌ చేయాలని ఆయన అన్నారు. వ్యాలీలు, వాడీలకు దూరంగా ఉండాలని ఆకస్మికంగా వరదలు వచ్చే అవకాశం ఉందని చెప్పారాయన.