సంక్రాంతి కానుకగా రేపు విడుదల కాబోతున్న జై సింహా పై అభిమానుల్లో భారీ అంచనాలు ఉన్నాయి. ఈ సినిమా టీజర్, ట్రైలర్‌లో వచ్చిన డైలాగ్స్‌ను బట్టి ఈ సినిమా ఓ రేంజ్‌లో ఉండబోతుందని తెలుస్తోంది. బాలయ్య చెప్పిన ఒక్కొక్క డైలాగ్ నందమూరి అభిమానుల అంచనాలు రెట్టింపు చేశాయి. తాజాగా సోషల్ మీడియాలో మరో పవర్ ఫుల్ డైలాగ్ హాల్‌చల్ చేస్తుంది. నువ్వెంత బెదిరిస్తే.. నేనంత ఎదురొస్తా.. బొమ్మ తిరగేస్తా.. అంటూ బాలయ్య చెప్పే ఈ డైలాగ్ అభిమానుల హుషారును పెంచేసింది.  57 సంవత్సరాల వయస్సులో కూడా యంగ్ హీరోలా మాస్ డైలాగ్‌లు చెబుతుంటే  థియేటర్లలో ఈలలు  మారుమోగడం ఖాయం.  మరోసారి  జై సింహా ద్వారా తన  పవర్ ఏంటో తెలుస్తోందని అభిమానులు చెబుతున్నారు.