మస్కట్‌: రువిలోని ఓ రెసిడెన్షియల్‌ భవనంలో అగ్ని ప్రమాదం జరగగా, ఈ ప్రమాదంలో ముగ్గురికి గాయాలయ్యాయి. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ ఈ విషయాన్ని వెల్లడించింది. అగ్ని ప్రమాదంపై సమాచారం అందగానే, సంఘటనా స్థలానికి చేరుకుని సహాయక చర్యలు ముమ్మరం చేశామని పిఎసిడిఎ పేర్కొంది. ఈ ఘటనలో ముగ్గురికి స్వల్ప గాయాలయ్యాయని, వారికి ప్రాథమిక చికిత్స అందించామని అధికారులు చెప్పారు. ఐదు ఫ్లోర్లు గల రెసిడెన్షియల్‌ కమర్షియల్‌ బిల్డింగ్‌లో అగ్ని ప్రమాదం జరిగిందనీ, ప్రమాదానికి కారణాలు తెలియాల్సి ఉందని వారు వివరించారు.