దుబాయ్: విలాసంగా పొగ పీల్చి నిర్లక్ష్యంగా సిగరెట్ పీకలను విసిరేసే వారికి దుబాయ్ మున్సిపాలిటీ గట్టి షాకివ్వబోతోంది. పలు పట్టణాల్లో ప్రజలు దమ్ము కొట్టిన తర్వాత పీకలను ఎక్కడ పడితే అక్కడ విసిరేస్తున్నారని పురపాలక అధికారులు ఆరోపించారు. దీంతో తాము ఎంత  కష్టపడి రోడ్లను శుభ్రం చేస్తున్నా పరిశుభ్రత ఎక్కడా కనిపించకుండాపోతోందని వారు ఆవేదన వ్యక్తం చేస్తున్నారు. అయితే కారులో ప్రయాణిస్తూ సిగరెట్ పీకలను రోడ్లపై గానీ, ఫుట్‌పాత్‌లపై గానీ విసిరేస్తే ఇకపై 500దిర్హమ్స్ జరిమానాగా కట్టాల్సి వస్తుందని అధికారులు ఈ సందర్భంగా తెలిపారు.