టర్కీ సేనలు సిరియా సరిహద్దులో ఓ సైనిక విమానాన్ని కూల్చివేశాయి. స్థానిక మీడియా సైతం సిరియా సరిహద్దులో సైనిక విమానం కూలిపోయిందని స్పష్టం చేసింది. ఈ మేరకు కథనం ప్రసారం చేసింది. మంగళవారం సిరియా సరిహద్దు మీదుగా తుర్కామెన్ పర్వతం సమీపంలోకి రాగానే టర్కీ సేనలు ఆ విమానాన్ని కూల్చివేశారు. ఆ విమానం శిథిలాలు పర్వతం మీదపడ్డాయని టర్కీ ప్రభుత్వ అధికారులు వెల్లడించారు. అయితే ఆ విమానం ఏ దేశానికి చెందినది అనే విషయం మాత్రం తెలియడం లేదని టర్కీ అధికారులు అంటున్నారు. ఆ విమానం వివరాలు తెలుసుకునేందుకు టర్కీ ఉన్నతాధికారులు రంగంలోకి దిగారు. సిరియాలోని ఇస్లామిక్ స్టేట్ (ఐఎస్ఐఎస్) ఉగ్రవాద స్థావరాలపై ఫ్రాన్స్ వైమానిక దాడులు చేస్తున్న విషయం తెలిసిందే. ఒకవేళ ఫ్రాన్స్ సైనిక విమానం పొరపాటున టర్కీ వైపు వచ్చిందా అని ఆరా తీస్తున్నారు