దుబాయ్‌ ఎయిర్‌పోర్ట్‌ రెస్ట్‌ రూమ్‌లో ఓ మహిళ ప్రసవించింది. అయితే ఆమె తొలుత రెస్ట్‌ రూమ్‌లోకి వెళ్ళి లోపల లాక్‌ చేసుకుంది. లేబర్‌ పెయిన్స్‌తో ఆమె బాధపడుతుండగా, క్లీనింగ్‌ సిబ్బంది ఆమెను గుర్తించి, ఎయిర్‌పోర్ట్‌ సెక్యూరిటీ డిపార్ట్‌మెంట్‌కి సమాచారమిచ్చారు. వెంటనే వైద్య బృందం ఆమె వద్దకు చేరుకుని, అవసరమైన సహాయం అందించింది. సుమారు నాలుగు గంటలపాటు లేబర్‌ పెయిన్స్‌ అనుభవించిన మహిళ ఎట్టకేలకు ప్రసవించడంతో అంతా ఊపిరి పీల్చుకున్నారు. ప్రసవించిన మహిళను వెంటనే ఆసుపత్రికి తరలించారు. లతీఫా హాస్పిటల్‌లో తల్లికి, బిడ్డకు వైద్య చికిత్స అందించారు. దుబాయ్‌ ఇంటర్నేషనల్‌ ఎయిర్‌పోర్ట్‌కి లక్షలాదిగా ప్రయాణీకులు వచ్చి వెళుతుంటారనీ, ప్రతి యేడాదీ ఇలాంటి చిత్రమైన కేసులు నమోదవుతుంటాయని, మానవీయ కోణంలో వాటిని పరిష్కరిస్తంటామని దుబాయ్‌ పోలీస్‌ ఎయిర్‌పోర్ట్‌ సెక్యూరిటీ డైరెక్టర్‌ బ్రిగేడియర్‌ అలీ అతీక్‌ బిన్‌ లహెజ్‌ చెప్పారు.