టాలీవుడ్ హాస్యనటుడు గుండు హనుమంతరావు మరణవార్త తెలుసుకుని లెజెండరీ కమెడియన్ బ్రహ్మానందం తీవ్ర విషాదంలో మునిగిపోయారు. హనుమంతరావు ఇకలేరన్నవార్తను జీర్ణించుకోలేక దుఃఖంతో రోదిస్తున్నారు. బ్రహ్మానందంతో హనుమంతరావు దాదాపు 20 చిత్రాలకు పైగానే నటించారు. గత కొద్దీ రోజుల కిందట తన కుమారుడు నా దగ్గరికి వచ్చినప్పుడు ఆయన పరిస్థితిని విని గుండె బరువెక్కిందన్నారు. గుండు హనుమంతరావుతో 30 ఏళ్ల అనుభంధాన్ని ఏర్పరచుకున్నాను. "అహనా పెళ్ళంటా" చిత్రం తరువాత తనను భావ అని పిలవడం మొదలుపెట్టాడు. ఎంత ఎదిగిన ఒదిగి వుండే మనసత్త్వం కలిగిన వారు హనుమంతరావు అని అన్నారు. అంతేకాదు నాకున్న అతితక్కువ మంది స్నేహితుల్లో హనుమంతరావు ఒకరు అని విషణ్ణ వదనంతో బ్రహ్మానందం మాట్లాడారు.