దేశంలో రక్త దానం చేసేవారి కొరత తీవ్రంగా ఉండడంతో సుల్తాన్ కాబూస్ యూనివర్సిటీ హాస్పిటల్ వారు పౌరులను, ప్రవాసీయులను తమ ఆసుపత్రిలో ఉన్న బ్లడ్ బాంకులో రక్తాన్ని దానం చేయవలసిందిగా అభ్యర్దిస్తున్నారు. వాలంటీర్లకు రక్తదానం చేసిన అనంతరం తీసుకోవలసిన జాగ్రత్తలను గురించి తెలియజేసే కరపత్రాలను  పంచిపెట్టారు.  తాము జీవితాలను కాపాడుతున్నామనే మంచి విషయాన్ని గుర్తుంచుకొని, మూడు నెలలకొకసారి రక్తదానం చేయడానికి ఉదయం 7 30 నుండి రాత్రి 9గంటల వరకు, శనివారం  నుండి గురువారం వరకు  తెరిచి ఉండే యూనివర్సిటీ లోని కాలేజ్ ఆఫ్ మెడిసిన్ ముందున్న SQUH బ్లడ్ బ్యాంకు వద్ద రక్తదానం చేయడానికి ముందుకురావాలని వారు విజ్ఞప్తి చేసారు.