రియాద్: "  వానా ..వానా  వల్లప్పా ..వడగండ్ల వాన పడితే మాత్రం నెత్తికి చిల్లప్పా " సౌదీ అరేబియావాసులు  వడగండ్ల వాన ధాటికి వాపోతున్నారు.  యాపిల్ ఆకారంలో తెల్లని వడగండ్లు పెద్ద చప్పుడుతో  కురవడంతో పలు వాహనాల అద్దాలు పగిలిపోయాయని అధికారులు తెలిపారు. నాజ్రన్ పట్టణంలోనూ, రాజధాని నగరం రియాద్‌లోనూ వడగండ్ల వాన భారీగా కురిసిందని పేర్కొన్నారు.. అయితే నాజ్రన్ పట్టణంలో వర్షం కురిసే ముందే తీవ్ర దుమ్ముతో వడగాలులు చెలారేగాయని అధికారులు తెలిపారు. దాంతో ప్రజలకు భారీ వర్షం కురవబోతున్నట్లు హెచ్చరికలు జారీ చేశామన్నారు. దుమ్ము చెలారేగడంతో వాహనాదారులకు సరిగ్గా రోడ్డు కనపడలేదన్నారు. అందువల్ల కొన్ని ప్రాంతాలలో రోడ్డు ప్రమాదాలు సైతం జరిగాయని అధికారులు తెలిపారు. అయితే స్థానికులు వడగండ్ల వాన కురుస్తుండగా వీడియో తీసి సోషల్ మీడియాలో పోస్టు చేశారు.