దుబాయ్‌ ఎయిర్‌ పోర్ట్స్‌, దుబాయ్‌ ఇంటర్నేషనల్‌ (డిఎక్స్‌బి) సదరన్‌ రన్‌ వే 45 రోజులపాటు మూసివేయబడ్తున్నట్లు వెల్లడించింది. భద్రతను పెంచేందుకు, సర్వీస్‌ మరియు కెపాసిటీ లెవల్స్‌ని పెంచేందుకుగాను పలు అభివృద్ధి కార్యక్రమాల్ని చేపట్టనున్న దరిమిలా ఈ మూసివేతను అమల్లోకి తీసుకొస్తున్నారు. రోజుకి 1,100 విమానాల మూమెంట్‌తో నిత్యం బిజీగా వుంటుంది దుబాయ్‌ అంతర్జాతీయ విమానాశ్రయం. 60,000 టన్నుల అఫ్సాల్ట్‌, 8,000 టన్నుల కాంక్రీట్‌తో ఈ అభివృద్ధి పనుల్ని చేపడతారు. ఈ క్రమంలోనే 800 కిలోమీటర్ల పొడవైన ప్రైమరీ కేబుల్స్‌ని ఏర్పాటు చేయడం, 5,500 రన్‌ వే లైట్స్‌ని సరికొత్తగా తీర్చిదిద్దడం వంటి పనులు జరుగుతాయి. ఏప్రిల్‌ 16 నుంచి మే 30 వరకు ఈ పనులు జరుగుతాయి. ఈ నేపథ్యంలో ప్రత్యామ్నాయ ఏర్పాట్లను దుబాయ్‌ ఎయిర్‌పోర్ట్స్‌ ఇప్పటికే సిద్ధం చేసింది.