మెంబర్‌ ఆఫ్‌ సుప్రీం కౌన్సిల్‌, అజ్మన్‌ రూలర్‌ షేక్‌ హుమైద్‌ బిన్‌ రషీద్‌ అల్‌ నౌమి, రెండు తలలతో పుట్టిన చిన్నారికి వైద్య చికిత్స చేయించేందుకు ముందుకొచ్చారు. మలక్‌ పేరుగల ఆ చిన్నారికి వైద్య చికిత్స మాత్రమే కాకుండా, ఓ ఇంటిని కూడా అందించారు. ఆ చిన్నారి తండ్రికి ఎంప్లాయిమెంట్‌ని కూడా షేక్‌ హుమైద్‌ కల్పించారు. అజ్మన్‌ రూలర్‌ పర్సనల్‌ సెక్రెటరీ హమాద్‌ బిన్‌ ఘలైటా అల్‌ గాఫ్లి మాట్లాడుతూ, న్యూస్‌ పేపర్‌లో చిన్నారి దయనీయ స్థితిని గురించి చదివి, రూలర్‌కి తెలియజేశానని చెప్పారు. వెంటనే మొరాకోలోని యూఏఈ ఎంబసీతో షేక్‌ హుమైద్‌ మాట్లాడి, చిన్నారి వైద్య చికిత్సకు అయ్యే ఖర్చులన్నీ భరించాలని ఆదేశించినట్లు చెప్పారాయన. చిన్నారి కుటుంబం, షేక్‌ హుమైద్‌ అందించిన సాయం పట్ల ఆనందోత్సాహాల్ని వ్యక్తం చేసింది.