మస్కట్‌: పబ్లిక్‌ అథారిటీ ఫర్‌ క్రాఫ్ట్‌ ఇండస్ట్రీస్‌ (పిఎసిఐ), ఒమన్‌ నేషనల్‌ పార్క్‌ వద్ద ఇంటర్నేషనల్‌ హ్యాండి క్రాఫ్ట్స్‌ ఎగ్జిబిషన్‌ ప్రారంభోత్సవాన్ని నిర్వహించింది. ఎకనమిక్‌ ప్లానింగ్‌ ఎఫైర్స్‌కి సంబంధించి సుల్తాన్‌కి సలహాదారు అయిన మొహమ్మద్‌ బిన్‌ అల్‌ జుబైర్‌ ఈ కార్యక్రమంలో పాల్గొన్నారు. పిసిఎఐ చైర్‌ పర్సన్‌ షేకా ఐషా బింట్‌ ఖల్ఫాన్‌ అల్‌ సియాబియా పలువురు మినిస్టర్స్‌ ఈ కార్యక్రమానికి హాజరయ్యారు. సుల్తానేట్‌కి చెందిన కళాకారుల్ని ఈ సందర్భంగా చీఫ్‌ గెస్ట్‌ అభినందించారు. 14 దేశాలకు చెందిన కళాకారులతోనూ మాట్లాడారు. ఖతార్‌, జోర్డాన్‌, లెబనాన్‌, సుడాన్‌, ఈజిప్ట్‌, అల్జీరియా, ఇండియా, ఇరాన్‌, మలేసియా, నైజీరియా, ఉజ్బెకిస్తాన్‌, చైనా, టుర్కెమినిస్తాన్‌, శ్రీలంక తదితర దేశాలకు చెందిన కళాకారులు ఈ ఎగ్జిబిషన్‌లో పాల్గొన్నారు.