బహ్రెయిన్‌ : బహ్రెయిన్‌లో షియా మిలిటెంట్లు లక్ష్యంగా సాగిన పోలీసు దాడుల్లో శనివారం 116మందిని అరెస్టు చేశారు. బహ్రెయిన్‌ అధికారులను, భద్రతా సిబ్బందిని, కీలకమైన సంస్థలు, ప్రాంతాలను లక్ష్యంగా చేసుకోవడానికి వారు కుట్ర పన్నారని పేర్కొంటూ వారి వద్ద నుండి తుపాకులు, పేలుడు పదార్ధాలను అధికారులు స్వాధీనం చేసుకున్నారు. సౌదీ బలగాల సాయంతో 2011లో ప్రజాస్వామ్య అనుకూల ప్రదర్శనలను కర్కశంగా అణచివేసినప్పటి నుండి క్రమం తప్పకుండా దాడులు నిర్వహించడం, అరెస్టులు చేయడం కొనసాగుతున్నాయి.