కువైట్ : స్థానిక షామియా ప్రాంతంలో పిక్ అప్ ట్రక్కు లోంచి దిగిన ఓ యువకుడు తనను ఎవ్వరూ చూడటం లేదని నిర్ధారించుకొని వాహనంలో ఉన్న వలని ఒడుపుగా పావురాల మీదకు విసిరేడు. వలలో చిక్కిన ఆ పావురాలను ఒడిసి పట్టుకొని ఆ ట్రక్కులో తుర్రుమన్నాడు. అయితే ఈ తతంగతమంతా వీడియో రికార్డ్ కాబడటంతో పర్యావరణ పోలీసులు పావురాలు దొంగిలించిన వ్యక్తి కోసం అన్వేషించారు. ఆ యువకుడు దొంగతనానికి ఉపయోగించిన  పికప్ ట్రక్ ఒక వృద్ధునికి  చెందినదని, త్వరలో యువకుడి అరెస్టుకు పోలీసులు రంగం సిద్ధం చేశారు. ఈ కేసులో ఆ యువకుడికి జరిమానా 500 కువైట్ దినార్ల లేదా ఒక సంవత్సరం జైలు శిక్ష నిందితుడికి విధించవచ్చని పోలీసులు పేర్కొంటున్నారు.