న్యూఢిల్లీ: కాంగ్రెస్ ఉపాధ్యక్షుడు రాహుల్ గాంధీ మరోసారి విదేశాలకు పయనమవుతున్నారు. కొద్దిరోజుల పాటు తాను విదేశాలకు వెళ్తున్నట్టు రాహుల్ సోమవారంనాడు ట్విట్టర్‌లో తెలిపారు. అయితే తాను ఏ దేశానికి వెళ్తున్నాననేది ఆయన స్పష్టం చేయలేదు. 46వ పుట్టినరోజు సందర్భంగా తనను కలుసుకుని శుభాకాంక్షలు తెలిపిన అందరికీ ఆ ట్వీట్‌లో రాహుల్ కృతజ్ఞతలు తెలిపారు. రాహుల్ గత ఏడాది కూడా గుట్టుచప్పుడు కాకుండా 56 రోజుల పాటు విదేశాలకు వెళ్లారు. ముఖ్యంగా బడ్జెట్ సమావేశాల మధ్యలో ఆయన ఆచూకీ లేకపోవడం రాజకీయవర్గాల్లో చర్చనీయాంశమైంది.