మనామా: 5వ మినీ ఒలింపిక్స్‌ అధికారికంగా ప్రారంభమయ్యాయి. అత్యద్భుతమైన ఓపెనింగ్‌ సెర్మానీ ద్వారా ఈ వేడుకల్ని ప్రారంభించారు. ఇసా స్పోర్ట్స్‌ సిటీ - బహ్రెయిన్‌ వాలీబాల్‌ అసోసియేషన్‌ జిమ్‌ - రిఫ్ఫాలో ఈ వేడుకలు జరిగాయి. బహ్రెయిన్‌ ఒలింపిక్‌ కమిటీ (బిఓసి), మినిస్ట్రీఆఫ్‌ ఎడ్యుకేషన్‌తో కలిసి నిర్వహిస్తున్న ఈ పోటీల్లో ప్రభుత్వ, ప్రైవేటు స్కూల్స్‌కి చెందిన 3,500 మంది విద్యార్థులు, 20 స్పోర్ట్స్‌లో తలపడనున్నారు. బహ్రెయిన్‌ ఒలింపిక్‌ కమిటీ ప్రెసిడెంట్‌, సుప్రీం కౌన్సిల్‌ ఫర్‌ యూత్‌ అండ్‌ స్పోర్ట్స్‌ ఛైర్మన్‌, ఛారిటీ వర్క్స్‌ మరియు యూత్‌ ఎఫైర్స్‌కి సంబంధించి కింగ్‌ హమాద్‌ ప్రతినిథి అయిన షేక్‌ నాజర్‌ బిన్‌ హమాద్‌ అల్‌ ఖలీఫా ఈ పోటీల్ని ప్రారంభించారు. మార్చి 22 వరకు ఈ మినీ ఒలింపిక్‌ పోటీలు జరుగుతాయి. స్పోర్ట్స్‌ రంగానికి చెందిన పలువురు ముఖ్య అధికారులు, ఇతర ప్రముఖులు ఈ ప్రారంభోత్సవానికి హాజరయ్యారు.