దుబాయ్:కాదేదీ అక్రమ రవాణాకు అనర్హం ... అని కొందరు మాదక ద్రవ్యాల అక్రమ రవాణాదారులు సరి కొత్త దారులు వెతుకుతూ నిఘా అధికారులకు నిత్యం పని పెడుతూనే ఉన్నారు. వీరు ఏ ఒక్కరికి అనుమానం కల్గకుండా డయాపర్స్‌ను ఎంచుకొన్నారు. వాటిని చూడగానే మొహం చిట్లించుకొని తలా తిప్పుకొంటారని నిందితులు యోచన. చిన్నపిల్లల ఆటబొమ్మలతోపాటు మానవశరీరాల్లో, కంటైనర్లలో దాచిపెట్టి అక్రమరవాణాకు పాల్పడుతున్నారు. అంతేకాకుండా బాదం పప్పులో అనుమానం రాకుండా స్మగ్లర్లు తప్పించుకుంటున్నారు. ఏ మార్గంలో  డ్రగ్స్ అక్రమరవాణాకు పాల్పడినా వదలబోమని, అధునికమైన తనిఖీ పద్ధతులను అవలంభి నిందితుల ఆట కట్టించనున్నామని, అన్నీ ఎయిర్‌పోర్ట్‌లలో నిఘా ఏర్పాటు చేశామని దుబాయ్ పోలీసు అధికారి అబ్ధులాహ్ అలి అల్ గైతీ చెప్పారు.