పంచ్ లతో అదరగొట్టేసిన హాస్య బ్రహ్మ
- March 21, 2018బుల్లితెర పై ఎంతోమంది యాంకర్లు హడావిడి చేస్తూ ఉన్నా యాంకర్ సుమ క్రేజ్ మాత్రం ఏమాత్రం తగ్గదు. దీనితో ఫిలిం ఇండస్ట్రీలో జరిగే చాల పెద్ద ఫంక్షన్స్ సుమ లేకుండా జరగలేని పరిస్థితి కొనసాగుతూనే ఉంది. ఈ నేపధ్యంలో నిన్న జరిగిన 'ఎం.ఎల్.ఎ' ప్రీ రిలీజ్ ఫంక్షన్ లో హాస్య బ్రహ్మ బ్రహ్మానందం సుమను టార్గెట్ చేస్తూ వేసిన సెటైర్ ఆ కార్యక్రమానికి హైలెట్ గా మారింది.
ఈ ఫంక్షన్ వేదిక పైకి రాగానే బ్రహ్మానందం తన కామెడీ పంచ్ లతో రెచ్చిపోయాడు. వేదిక ఎక్కీఎక్కగానే సుమ మీద పేలిపోయే పంచ్ విసిరాడు. ''నా చిన్నప్పట్నుంచి చూస్తున్నా సుమ ఇప్పటికీ అలాగే ఉంది'' అని బ్రహ్మి అనడంతో సుమ చేతులెత్తి దండం పెట్టేసింది. ఆ తర్వాత బ్రహ్మీ మణిశర్మ గురించి మాట్లాడుతూ ''ఆయన గురించి మాట్లాడేంత వయసు తనకు లేదని' అంటూ మరోసారి జోక్ చేసాడు.
ఇదే సందర్భంలో రామజోగయ్య శాస్త్రి గురించి మాట్లాడుతూ ''ఆయన తెలివి తేటలతో కాదు తెలుగు తేటలతో కవిత్వం రాస్తారు'' అంటూ తనకు భాష పై ఉన్న పట్టును ప్రదర్శించాడు. ఈ సందర్భంలో బ్రహ్మానందం నటుడు ఎమ్మెస్ నారాయణను గుర్తు చేసుకుంటూ తాను ఏదైనా గెటప్ వేసుకుని ఎలా ఉందిరా అని అడిగితే తనవైపు చూడకుండానే బాగుంది అనేవాడని అంటూ మరొక షాకింగ్ ట్విస్ట్ ఇచ్చాడు.
అయితే తాను చూడకుండానే ఎలా చెపుతున్నావు అంటూ ఎమ్.ఎస్. ను అడిగినప్పుడు తాను చూసినా కూడా అలాగే అనాలి కదా అని తన పై ఎమ్.ఎస్. నారాయణ జోక్ చేసేవాడని అప్పటి విషయాలను గుర్తుకు చేసుకున్నాడు బ్రహ్మానందం. దీనితో నిన్నటి 'ఎం.ఎల్.ఎ.' ఫంక్షన్ అంతా బ్రహ్మానందం పంచ్ లతో అందరికీ ఆనందాన్ని పంచింది. ఇప్పటికే ఈమూవీకి మంచి బిజినెస్ జరిగిన నేపధ్యంలో ఇంత బిజినెస్ జరిగిన ఈ చిత్రం సేఫ్ అవ్వాలంటే చాలా మంచి టాక్ అవసరం. మరి పబ్లిక్ రెస్పాన్స్ ఎలాగుంటుందనేది ఈ శుక్రు వారం తేలిపోతుంది..
తాజా వార్తలు
- బాంబు దాడుల పై ఈసీ సీరియస్..బాటిళ్లలో ఇక పెట్రోల్కు నో
- ఆ దేశంలోని భారతీయ విద్యార్థులందరూ ఇళ్ల నుంచి బయటకు రాకండి: కేంద్ర మంత్రి ఎస్ జైశంకర్
- ప్రొఫెసర్ వెల్చ్ కు యూఏఈ ప్రెసిడెంట్ బంపరాఫర్..!
- యూఏఈలో స్వల్ప భూకంపం
- 'అర్ధరాత్రి దొంగ'కు ఏడాది జైలు, జరిమానా
- బహ్రెయిన్ టాలెంట్ హబ్.. ఔట్రీచ్ నివేదిక వెల్లడి
- పబ్లిక్ టాయిలెట్లలో జెమ్స్ భయమా? Dh10తో పరిష్కారం..!
- దోహా ఇంటర్నేషనల్ బుక్ ఫెయిర్లో కొత్త పోటీలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ
- కేరళలో హెపటైటిస్ కలకలం..12 మంది మృతి