హైదరాబాద్‌ : ప్రత్యేక హోదా, విభజన చట్టంలోని హామీల అమలు సాధనకు తెలుగు నటీనటుల సంఘం (మా) మద్దతు ప్రకటించింది. ఆదివారం సంఘం సభ్యులను ప్రత్యేక హోదా సాధన సమితి అధ్యక్షులు చలసాని, సిపిఐ రాష్ట్ర కార్యదర్శి కె.రామకృష్ణ కలిశారు. ప్రత్యేక హోదాపై వారితో చర్చించారు. ఈ సందర్భంగా మా అధ్యక్షుడు శివాజీరాజా మాట్లాడుతూ.. ప్రత్యక హోదా, విభజన చట్టంలోని హామీల సాధనకు తమ పూర్తి మద్దతు ఉంటుందన్నారు. వాటి అమలుకు తదుపరి కార్యాచరణ చెబుతామని చెప్పారు. సమావేశంలో పలువురు సినీ నటులు పాల్గొన్నారు.