ఎన్టీఆర్ ఇప్పటికే బుల్లితెరలో బిగ్ బాస్ తెలుగు వెర్షన్ కు హోస్ట్ గా వ్యవహరిస్తున్న సంగతి తెలిసిందే. ఆ షో బుల్లితెరలో ఎంతటి ప్రేక్షకాదరణ పొందిదో ప్రత్యేకించి చెప్పనవసరంలేదు. తాజాగా ఎన్టీఆర్ మరోసారి బుల్లితెర మీద ఆకట్టుకునేందుకు రెడీ అవుతున్నాడు. త్వరలో ప్రారంభం కానున్న ఐపీఎల్‌ 2018 సిరీస్‌ తెలుగు ప్రసారాలకు ఎన్టీఆర్‌ అంబాసిడర్‌ గా వ్యవహరించనున్నాడు. ఈ మేరకు ప్రసార హక్కులను దక్కించుకున్న 'స్టార్ మా' ఈ కార్యక్రమానికి సంబంధించి ప్రమోషన్‌ బాధ్యతలను ఎన్టీఆర్‌ కు అప్పజెప్పిందట. బిగ్ బాస్ సక్సెస్ ను దృష్టిలో ఉంచుకొనే ఈ బాధ్యతను ఎన్టీఆర్ చేతుల్లో పెట్టినట్టు తెలుస్తోంది.