బాలీవుడ్‌ నటుడు హృతిక్‌ రోషన్‌ నటిస్తున్న చిత్రం 'సూపర్‌30'. బీహార్‌లోని గణిత ఉపాధ్యాయుడు ఆనంద్‌ కుమార్‌ అనే మ్యాథ్స్‌ టీచర్‌ నిజ జీవిత ఆధారంగా ఈ చిత్రం తెరకెక్కుతోంది. ఈ సినిమాపై ఆనంద్‌కుమార్‌ మాట్లాడుతూ 'ఎనిమిదేళ్ళ క్రితం రచయిత సంజీవ్‌ దత్తా నా వద్దకు వచ్చి 'సూపర్‌ 30' పేరుతో సినిమా తీయాలనుకుంటున్నానని చెప్పాడు. హృతిక్‌ను నేను కలిసాను. నా పాత్రకోసం ఆయన పడే కష్టాన్ని చూసాను. నా పాత్రపై పట్టు సాధించేందుకు చాలా శ్రమిస్తున్నాడు. హృతిక్‌ నా పాత్రకు న్యాయం చేయగలడు' అని తెలిపాడు. వచ్చే ఏడాది జనవరి 25న సినిమా రాబోతోంది.