టాలీవుడ్ సీనియర్‌ నటుడు, డబ్బింగ్‌ కళాకారుడు చంద్రమౌళి గురువారం కన్నుమూసారు. గత కొంతకాలంగా అనారోగ్యంతో బాధపడుతున్న ఆయన ఆస్పత్రిలో చికిత్స పొందుతూ ఈరోజు తుదిశ్వాస విడిచారు. చిత్తూరు జిల్లా శ్రీకాళహస్తి తాలుకా మునగలపాళ్యంకు చెందిన చంద్రమౌళి 1971లో చిత్ర రంగంలోకి ప్రవేశించారు. సుమారు 45 ఏళ్ళ సినీ ప్రస్థానంలో ఎన్నో చిత్రాల్లో నటుడిగా, డబ్బింగ్‌ కళాకారుడిగా భిన్న పాత్రలు పోషించారు. మోహన్ బాబు తండ్రి చంద్రమౌళికి గురువు.