నిరుద్యోగి అయిన ఓ ఆసియా వ్యక్తి, మాస్క్‌ల నుంచి డొనేషన్‌ బాక్సుల్ని దొంగిలిస్తున్నట్లు గుర్తించిన పోలీసులు అతన్ని అరెస్ట్‌ చేశారు. దొంగతనం కోసమే మాస్క్‌లలో ప్రార్థనలు చేస్తూ వుంటాననీ, ఆ క్రమంలో అక్కడి పరిస్థితుల్ని గమనించి దొంగతనాలు చేస్తుంటానని నిందితుడు విచారణలో అంగీకరించాడు. అల్‌ ఖుసైస్‌ పోలీస్‌ స్టేషన్‌ డైరెక్టర్‌ బ్రిగేడియర్‌ యూసెఫ్‌ అల్‌ అదిది మాట్లాడుతూ, మాస్క్‌లలో దొంగతనాలకు సంబంధించి పలు ఫిర్యాదులు తమకు అందాయనీ, ఈ క్రమంలో చేపట్టిన విచారణలో నిందితుడ్ని గుర్తించామని చెప్పారు. అదే సమయంలో మాస్క్‌లలో భద్రతను సైతం పెంచారు.