సినీ పరిశ్రలో క్యాస్టింగ్‌ కౌచ్‌ ను అరికట్టేందుకు కమిటీ వేయాలని నిర్ణయించింది తెలంగాణ ప్రభుత్వం. సినిమాటోగ్రఫి మినిస్టర్‌ తలసాని శ్రీనివాస్‌ యాదవ్‌తో భేటీ అయిన మహిళా సంఘాలు ఇండస్ట్రీలో లైంగిక వేధింపులను మంత్రి దృష్టికి తీసుకొచ్చారు. మహిళల రక్షణకు కట్టుబడి ఉన్నామని హామీ ఇచ్చిన మంత్రి...ఇండస్ట్రీలో ప్రతి ఒక్కరికి ఫిల్మ్‌ డెవలప్‌మెంట్‌ కార్పోరేషన్ నుంచి గుర్తింపు కార్డులను ఇవ్వాలని నిర్ణయిచినట్లు వివరించారు. అలాగే వేధింపులపై ఫిర్యాదు చేసేందుకు ప్రత్యేక సెల్‌ ఏర్పాటు చేస్తున్నట్లు ప్రకటించారు.