దుబాయ్‌:బ్లూ వేల్‌ గేమ్‌లో భాగంగా ఇద్దరు యువతీ యువకులు ఆత్మహత్య చేసుకున్నట్లు జరుగుతున్న ప్రచారాన్ని దుబాయ్‌ పోలీసులు ఖండించారు. కుటుంబ సమస్యల కారణంగా గ్రేడ్‌ 10 స్టూడెంట్స్‌ అయిన బాలుడు, బాలిక ఆత్మహత్య చేసుకున్నట్లు వెల్లడించారు పోలీసులు.ముహైస్‌నాహ్‌లోని యునైటెడ్‌ ఇంటర్నేషనల్‌ ప్రైవేట్‌ స్కూల్‌కి చెందిన విద్యార్థులుగా వీరిని గుర్తించారు. వీరిద్దరూ సోషల్‌ మీడియాలో తమ ఆత్మహత్య గురించి మాట్లాడలేదని పోలీసులు స్పష్టం చేశారు. గత బుధవారం బాలుడి మృతదేహం అల్‌ కుసైస్‌లోని ఓ రెసిడెన్షియల్‌ బిల్డింగ్‌ బయట కనుగొనబడింది. ఆరో ఫ్లోర్‌ నుంచి ఈ బాలుడు కిందికి దూకినట్లు విచారణలో తేలింది. కాగా బాలిక తన బెడ్రూమ్‌లో ఉరివేసుకుంది.