_1611413246.jpg)
_1611410111.jpg)
_1611400163.jpg)
కుప్పకూలిన అమెరికా రక్షణ విమానం..ఐదుగురు మృతి
May 02, 2018
వాషింగ్‌టన్‌ : దక్షిణ అమెరికాలోని రక్షణ రంగానికి చెందిన కార్గో విమానం జార్జియాలో కూలడంతో ఐదుగురు వ్యక్తులు మృతి చెందినట్లు అధికారులు తెలిపారు. సిటీ ఆఫ్ సవన్నా సమీపంలోని విమానాశ్రయం హైవేపై ఈ విమానం కూలిందని, జార్జియా నేషనల్‌ గార్డ్‌ ప్రతినిధి డిసిరీ బంబా వెల్లడించారు. ఈ విమానం సి -130 రకానికి చెందిన విమానమని, ప్యూర్టో రికో నేషనల్‌ గార్డ్‌ టీమ్‌ ఈ విమానం సేవలను వినియోగించుకుంటున్నారని తెలిపారు. ఈ విమానంలో ఉన్న ఐదుగురు వ్యక్తులకు సంబంధించిన వివరాలు ఇంకా తెలియలేదని, వారి వివరాల కోసం ప్రయత్నిస్తున్నామని అధికారి పేర్కొన్నారు. విమాన ప్రమాదానికి గల కారణాలపై అధికారులు విచారణ ప్రారంభించారు. ట్విటర్‌లో నల్లని పొగతోకూడిన వీడియోలు ప్రసారమవుతున్నాయి.
