మనామా: బరువు తగ్గించుకోవడం కోసం సులువైన మార్గంగా సర్జరీలను ఆశ్రయిస్తున్నారు కొందరు. అయితే అభివృద్ధి చెందిన దేశాల్లో ఈ సర్జరీలపై చాలా అభ్యంతరాలు వ్యక్తమవుతున్నాయి. ఈ నేపథ్యంలో బహ్రెయిన్‌ మినిస్ట్రీ ఆఫ్‌ హెల్త్‌ సైతం బరువు తగ్గించే సర్జరీల పట్ల అప్రమత్తంగా వుండాలని పౌరులకు హెచ్చరికలు జారీ చేసింది. సర్జరీల కారణంగా ఇతరత్రా సమస్యలు తలెత్తుతున్నట్లు మినిస్ట్రీ గుర్తించింది. ఒబెసిటీని తగ్గించేందుకు సహజమైన మార్గాలు ఎన్నో వున్నాయనీ, ఆహారపు అలవాట్లు, నిత్యం వ్యాయామం చెయ్యడం వంటివాటి ద్వారా ఒబెసిటీని తగ్గించుకోవచ్చనీ మినిస్రీ& టాఫ్‌ హెల్త్‌ చెబుతోంది. ఒబెసిటీ సర్జరీలు ఖచ్చితంగా ట్రెయిన్డ్‌ సర్జికల్‌ టీమ్‌ నేతృత్వంలోనే జరగాలనీ, స్పెషలైజ్డ్‌ కమిటీ - మల్టిడిసిప్లినరీ టీమ్‌ సంయుక్తంగా సర్జరీపై ఖచ్చితమైన నిర్ణయం తీసుకోవాల్సి వుంటుందనీ మినిస్ట్రీ ఆఫ్‌ హెల్త్‌ స్పష్టం చేస్తోంది.