దుబాయ్‌:దుబాయ్‌లోని మిర్దిఫ్‌ ప్రాంతంలోని ఓ స్విమ్మింగ్‌ పూల్‌లో ఇద్దరు చిన్నారులు మునిగిపోయారు. వీరిలో ఒకరు ఏడాదిన్నర బాలిక కాగా, మరొకరు రెండున్నరేళ్ళ బాలుడు. ఇఫ్తార్‌ విందు జరుగుతున్న సమయంలో చిన్నారులిద్దరూ ఆడుకుంటూ అక్కడి నుంచి వెల్ళిపోయి, మృత్యువాత పడ్డారని బాధిత కుటుంబ సభ్యులు చెప్పారు. తమ పిల్లల్ని వెతుక్కుంటూ వెళ్ళిన తమకు, సిమ్మింగ్‌ పూల్‌లో విగత జీవులుగా తమ చిన్నారులు కన్పించారని వాపోయారు. సంఘటనా స్థలంలోనే బాలిక మృతి చెందగా, పోలీసులు - రెస్క్యూ టీమ్‌ సకాలంలో స్పందించి, బాలుడ్ని కాపాడేందుకు ప్రయత్నించినా ఉపయోగం లేకుండా పోయింది. చిన్నారుల మృతితో బాధిత కుటుంబంలో తీవ్ర విషాదం నెలకొంది.