ఆ నలుగురు, మధుమాసం, అందరి బంధువయా చిత్రాలతో ఫ్యామిలీ ఆడియన్స్ ను ఆకట్టుకున్న డైరెక్టర్ చంద్ర సిద్దార్ధ తాజాగా ఆటగదరా శివ అంటూ త్వరలో ప్రేక్షకుల ముందుకు రాబోతున్నాడు. 2014 నుంచి దర్శకత్వానికి దూరంగా ఉన్న ఈయన , ఈసారి మాత్రం డిఫరెంట్‌ మూవీతో రాబోతున్నాడు.

రేపు ఉదయం 9 గంటలకు ఈ ట్రైలర్ ను విడుదల చేస్తున్నట్లు చిత్ర యూనిట్ ప్రకటించారు. ఈ సినిమాలో జబర్ధస్త్‌ ఫేం హైపర్ ఆది కీకల పాత్రలో నటిస్తున్నాడు. ఇప్పటికే షూటింగ్‌ పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. ఈ సినిమాను కన్నడ నిర్మాత రాక్‌ లైన్‌ వెంకటేష్‌ నిర్మిస్తున్నారు. అన్ని కార్యక్రమాలు పూర్తి చేసి జూన్‌ నెలాఖరున సినిమాను రిలీజ్ చేసేందుకు ప్లాన్‌ చేస్తున్నారు.