సింగర్ని కౌగిలించుకున్నందుకు అరెస్టు
- July 15, 2018ఓ గాయకుడిని అభిమానంతో కౌగిలించుకున్నందుకు మహిళను అరెస్టు చేశారు పోలీసులు. మహిళలపై ఆంక్షలు ఎక్కువగా ఉండే సౌదీ అరేబియాలో ఈ ఘటన చోటుచేసుకుంది. గాయకుడు ప్రదర్శన ఇస్తున్న సమయంలో వేదికపైకి పరుగెత్తుకుంటూ వెళ్లి అతన్ని కౌగిలించుకోవడమే ఆమె చేసిన నేరం. శుక్రవారం సౌదీలోని తాయిఫ్ నగరంలో ప్రముఖ గాయకుడు మాజిద్ అల్-మొహందీస్ ప్రదర్శన జరుగుతోంది. ఈ ప్రదర్శనకు పెద్దసంఖ్యలో అభిమానులు తరలివచ్చారు. అయితే ప్రదర్శన జరుగుతోన్న సమయంలో బుర్ఖా ధరించిన ఓ మహిళ వైదికపైకి పరుగెత్తుకుంటూ వెళ్లి గాయకుడిని అభిమానంతో ఆలింగనం చేసుకుంది. వెంటనే భద్రతాసిబ్బంది ఆమెను అదుపులోకి తీసుకున్నారు. సౌదీ చట్టాల ప్రకారం మహిళలు బహిరంగంగా తమకు పరిచయం లేని పురుషులను కలవరాదు. వారితో చనువుగా ఉండరాదు. అలా చేస్తే చట్టప్రకారం శిక్షార్హులు. నిబంధనలు ఉల్లంఘించిన కారణంగా ఆ మహిళను పోలీసులు అరెస్టుచేశారు.
అక్కడి చట్టాల ప్రకారం ఆమెపై చర్యలు తీసుకుంటామని మక్కా పోలీసులు తెలిపారు. ఇందుకు సంబంధించిన వీడియోను కూడా పలువురు సామాజిక మాధ్యమాల్లో పోస్ట్ చేశారు. గాయకుడిని కౌగిలించుకున్న వెంటనే అక్కడ ఉన్న భద్రతాసిబ్బంది గాయకుడిని ఆమె నుంచి విడిపించేందుకు ప్రయత్నిస్తున్నట్లు ఆ వీడియోలో ఉంది. ఈ ఘటన అనంతరం గాయకుడు తన ప్రదర్శన కొనసాగించాడు.
సౌదీ యువరాజ్ మహ్మద్ బిన్ సల్మాన్ హయాంలో మహిళలపై ఆంక్షలకు సంబంధించి పలు సంస్కరణలు తీసుకువచ్చినప్పటికీ.. బహిరంగ ప్రదేశాల్లో మహిళలపై ఉన్న పలు ఆంక్షలు ఇంకా అలాగే కొనసాగుతున్నాయి.
తాజా వార్తలు
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం
- CBSE పాఠశాలలు ఓపెన్-బుక్ పరీక్షలను నిర్వహిస్తాయా?
- స్లోవాక్ ప్రధానిపై హత్యాయత్నం.. తీవ్రంగా ఖండించిన ఖతార్