'పద్మావత్‌' సినిమాలో మహారాజా రతన్‌సింగ్‌ పాత్రలో అలరించిన బాలీవుడ్ నటుడు షాహిద్‌ కపూర్‌కు అరుదైన గౌరవం దక్కింది. టుసాడ్స్‌ మ్యూజియంలో ఆయన మైనపు విగ్రహాన్ని ఏర్పాటు చేయనున్నారు. అయితే ఇది ఢిల్లీలోని మ్యూజియంలోనా? లేదా లండన్‌లోనా? అనే విషయంపై స్పష్టత రావాల్సి ఉంది. ఈ విషయంపై హర్షం వ్యక్తం చేస్తూ షాహిద్‌ కపూర్‌ తన ఇన్‌స్టాగ్రామ్‌లో 'త్వరలో వస్తున్నాను' అనే క్యాప్షన్‌తో ఓ ఫొటో పోస్ట్ చేశారు. ఇటీవలే 'పద్మావత్‌' సినిమాలో నటించిన దీపికా పదుకుణెకు కూడా ఈ అరుదైన గౌరవం దక్కిన విషయం తెలిసిందే.