మస్కట్‌: పార్క్‌ చేసిన బస్సుని, అలాగే ఇంటిని తగలబెట్టిన కేసులో అనుమానితుడ్ని అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించింది. విలాయత్‌ ఆఫ్‌ అల్‌ సువైక్‌లో నిందితుడ్ని అదుపులోకి తీసుకున్నారు. గర్నరేట్‌ ఆఫ్‌ అల్‌ బతినా నార్త్‌ పోలీస్‌ నేతృత్వంలో డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్‌ టీమ్‌ అనుమానితుడ్ని అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. కంట్రీ యార్డ్‌లో బస్‌ని, అలాగే ఇంటిని అనుమానితుడు తగలబెట్టగా, ఆ మంటలు ఇతర ప్రాంతాలకూ వ్యాపించాయి. విలాయత్‌ ఆఫ్‌ అల్‌ సువైక్‌లోని బిడాహ్‌ ప్రాంతంలో ఈ ఘటన చోటు చేసుకుంది.