బహ్రెయిన్:కొత్తగా ఖతారీలకు ఎంట్రీ వీసాలు ఇవ్వకుండా ఆగస్ట్‌ 21న బహ్రెయిన్‌ తీసుకున్న నిర్ణయం నుంచి కొంత సడలింపు వచ్చింది. మినిస్ట్రీ ఆఫ్‌ ఇంటీరియర్‌ ఈ విషయాన్ని వెల్లడించింది. హ్యుమానిటేరియన్‌ రీజన్స్‌తో కొన్ని ప్రత్యేక రెగ్యులేషన్‌కి లోబడి వీసాలు మంజూరు చేయనున్నట్లు మినిస్ట్రీ ఆఫ్‌ ఇంటీరియర్‌ పేర్కొంది. ప్రత్యేక పరిస్థితుల్లో ఎంట్రీ వీసా మంజూరు చేసిన అనంతరం వారి ప్రతి మూమెంట్‌నీ పరిశీలించనున్నామనీ, ముఖ్యంగా వారి నగదు లావాదేవీలపై కన్నేయడం జరుగుతుందని అధికారులు పేర్కొన్నారు. ఖతార్‌తో పలు దేశాలు కొన్నాళ్ళ నుంచి సంబంధాలు తెంచేసుకున్న సంగతి తెల్సిందే. ఉగ్రవాదానికి ఖతార్‌ సహకరిస్తుండడమే ఇందుకు కారణం.