మస్కట్‌: సౌత్‌ వెస్ట్‌ అరేబియన్‌ సముద్రంలో సైక్లోన్‌ వాతావరణం పట్ల ఒమన్‌ అప్రమత్తమయ్యింది. పరిస్థితిని ఎప్పటికప్పుడు పబ్లిక్‌ అథారిటీ ఫర్‌ సివిల్‌ ఏవియేషన్‌ మెటియరాలజీ డిపార్ట్‌మెంట్‌ సమీక్షిస్తోంది. పిఎసిఎ మిటియరాలజిస్ట్‌ ఒకరు మాట్లాడుతూ, ఇప్పటిదాకా ఎలాంటి లో ప్రెజర్‌నీ తాము గమనించలేదనీ, అయినాసరే ముందస్తు హెచ్చరికల నేపథ్యంలో పరిస్థితిని జాగ్రత్తగా సమీక్షిస్తున్నామనీ చెప్పారు. పిఎసిడిఎ నుంచి ఎప్పటికప్పుడు జారీ అయ్యే వెదర్‌ అప్‌డేట్స్‌ని ప్రతి ఒక్కరూ జాగ్రత్తగా గమనించాలని ఆయన విజ్ఞప్తి చేశారు. అక్టోబర్‌ 5న లో ప్రెజర్‌ ఫామ్‌ అయ్యే అవకాశం వుందనీ, 48 గంటల్లో అది తీవ్ర రూపం దాల్చే అవకాశం వున్నట్లు అంచనా వేస్తున్నామని పిఎసిడిఎ పేర్కొంది.