అమెరికా అధ్యక్షుడు ట్రంప్‌ మరో సంచలన నిర్ణయం తీసుకునే దిశగా ఆలోచిస్తున్నారు. అమెరికా పౌరులు కాని వారికి అమెరికాలో పుట్టే పిల్లలకు జన్మతః ఇచ్చే పౌరసత్వ హక్కును రద్దు చేసే దిశగా యోచిస్తున్నారు. అమెరికాలో త్వరలో మధ్యంతర ఎన్నికలు జరగనున్న నేపథ్యంలో ఈ ప్రతిపాదనను మరోసారి తెరపైకి తెచ్చారు. అమెరికాలో ఇతర దేశస్తులకు జన్మించే పిల్లలకు పౌరసత్వాన్ని ఇచ్చే నిబంధనను రద్దు చేయాలని భావిస్తున్నట్లు చెప్పారు. ప్రస్తుత రాజ్యాంగం ప్రకారం అమెరికాలో పుట్టిన పిల్లలు అమెరికా పౌరులే అవుతారు.