దుబాయ్‌:దుబాయ్‌లో కిడ్స్‌ ఫన్‌ ఫెయిర్‌ జరగనుంది. దుబాయ్‌ చెస్‌ క్లబ్‌, స్ట్రీట్‌ నెంబర్‌ 44, అల్‌ వుహైదా రోడ్‌ అల్‌ మంజార్‌, దుబాయ్‌లో ఈ ఈవెంట్‌ జరుగుతుంది. ఈ పోటీలకు ప్రవేశం ఉచితం. నవంబర్‌ 18న ఉదయం 10 గంటల నుంచి రాత్రి 8 గంటల వరకు జరిగే ఈ ఈవెంట్‌లో పిల్లలకు డ్రాయింగ్‌, హ్యాండ్‌ రైటింగ్‌ కాంపిటీషన్‌, చెస్‌ కాంపిటీషన్‌ నిర్వహిస్తారు. డాన్సింగ్‌, సింగింగ్‌, స్టోరీ టెల్లింగ్‌, మ్యాజిక్‌ పెర్ఫామెన్స్‌ వంటివి ఇతర ప్రధాన ఆకర్షణలు. ఈ కార్యక్రమంలో పాల్గొనాలనుకుంటోన్నవారు ముందుగా రిజిస్ట్రేషన్‌ చేయించుకోవాలి. దుబాయ్‌ చెస్‌ అండ్‌ కల్చరల్‌ క్లబ్‌, బిగ్‌ బీస్‌, శ్రీలలిత ఈవెంట్స్‌ మేనేజ్‌మెంట్‌ ఈ కార్యక్రమాన్ని నిర్వహిస్తున్నాయి. కాంపిటీషన్స్‌లో విజేతలకు క్యాష్‌ మరియు వోచర్స్‌ని బహుమతులుగా అందుతాయి.