అమెరికా:మంచు తుఫాన్ గుప్పిట్లో ఆగ్నేయ అమెరికా బందీ అయింది. బలమైన గాలులు వీయడంతోపాటు భారీగా మంచు కురుస్తుండటంతో ప్రజా రవాణా వ్యవస్థ నిలిచిపోయింది. జనజీవనం స్తంభించింది. దీంతో నార్త్ కరోలినా, జార్జియా, అలబామా, వర్జినీయా, టెన్నెస్సీ, పెన్సిల్వేనియా రాష్ర్టాల్లోని ప్రజలు అష్టకష్టాలు పడుతున్నారు. అత్యవసరమైతే తప్ప అడుగు బయట పెట్టవద్దని అక్కడి ప్రభుత్వం ప్రజలకు ఆదేశాలు జారీ చేసింది. కొన్ని ప్రాంతాల్లో 12 ఇంచుల మందంతో మంచు కురుస్తుండడంతో ప్రజలు గజగజ వణుకుతున్నారు. విద్యుత్‌ వ్యవస్థ దెబ్బ తినడంతో దాదాపు నాలుగు లక్షల మంది ఇబ్బందులు పడ్డుతున్నారు. వందలాది విమానాలు రద్దవడంతో విమానాశ్రయాల్లో ప్రయాణికులు చిక్కుకుపోయారు.