న్యూ ఇయర్‌లో వాహనదారులకు యూఏఈ ప్రభుత్వం ఊరటనివ్వనుంది. జనవరి నెల కోసం ఫ్యూయల్‌ ధరల్ని తగ్గిస్తూ ప్రకటన వెలువరించింది. యూఏఈ ఫ్యూయల్‌ ప్రైస్‌ కమిటీ, పెట్రోల్‌ కొత్త ధరల్ని ప్రకటించడం జరిగింది. సూపర్‌ 98 పెట్రోల్‌ ధర 2.00 దిర్హామ్‌లకు తగ్గించారు. ఇప్పటిదాకా ఈ ధర 2.25 దిర్హామ్‌లుగా వుంది. స్పెషల్‌ 95 పెట్రోల్‌ ధర 2.15 నుంచి 1.89 దిర్హామ్‌లకు తగ్గింది. ఇ ప్లస్‌ 91 ధర 2.05 నుంచి 1.81 దిర్హామ్‌లకు తగ్గింది. డీజిల్‌ ధర 2.61 నుంచి 2.30 దిర్హామ్‌లకు తగ్గిస్తూ నిర్ణయం తీసుకున్నారు. గురువారం అంతర్జాతీయ స్థాయిలో ఆయిల్‌ ధరలు గణనీయంగా తగ్గాయి.