దోహా: న్యూ ఇయర్‌ సందర్భంగా ఖతార్‌ మోటరిస్టులకు శుభవార్త. పెట్రోల్‌, డీజిల్‌ ధరల్ని తగ్గిస్తూ ఖతార్‌ పెట్రోలియం నిర్ణయం తీసుకుంది. జనవరి 1 నుంచి ఈ ధరలు అందుబాటులోకి వస్తాయి. ప్రీమియమ్‌ గ్రేడ్‌ పెట్రోల్‌ ధర 1.50 ఖతారీ రియాల్స్‌కి తగ్గింది. డిసెంబర్‌తో పోల్చితే 30 దిర్హామ్‌ల తక్కువ ఇది. సూపర్‌ పెట్రోల్‌ ధర 1.55 ఖతారీ రియాల్స్‌కి లభిస్తుంది. ఇది డిసెంబర్‌తో పోల్చితే 30 దిర్హామ్‌లు తగ్గింది. డిసెంబర్‌లో కూడా 25 దిర్హామ్‌ల మేర పెట్రోల్‌ ధరలు తగ్గాయి.. నవంబర్‌తో పోల్చితే. డీజిల్‌ ధరలు 25 దిర్మామ్‌లు తగ్గి 1.75 ఖతారీ రియాల్స్‌కి చేరుకుంది. అంతర్జాతీయ మార్కెట్‌లో ధరలకు అనుగుణంగా ఈ మార్పులు చోటు చేసుకున్నాయి.