ఇప్పుడు మన దేశంలో ఎక్కడకి వెళ్లి.. ఏది కావాలన్నా ఆధార్ ఉందా అనే వినిపించేలా పరిస్థితి మారిపోయింది. అప్పుడప్పుడు సుప్రీం కోర్టు కల్పించుకొని ప్రభుత్వం మీద మొట్టికాయలు వేస్తున్నా ప్రభుత్వాలు మాత్రం వాళ్ళ పని వాళ్ళు చేసుకుంటూ వెళ్లిపోతున్నారు. విషయానికి వస్తే త్వరలోనేనే ఆధార్ కార్డును డ్రైవింగ్ లైసెన్స్ తో అనుసంధానం చేయనున్నారట. ఆధార్‌ను డ్రైవింగ్ లైసెన్స్ తో అనుసంధానం చేయడాన్ని తప్పనిసరి చేస్తామని తాజాగా కేంద్ర ఐటీ, న్యాయశాఖ మంత్రి రవిశంకర్‌ ప్రసాద్‌ వెల్లడించారు. పంజాబ్‌లోని ఫగ్వారాలో జరిగిన 106వ భారత సైన్స్‌ కాంగ్రెస్‌లో ఆయన ఈ విషయాన్ని స్పష్టం చేశారు. దీనికి సంబంధించిన బిల్లు ప్రస్తుతం పార్లమెంటులో పెండింగ్‌లో ఉందని త్వరలోనే అమలులోకి తెస్తామని చెప్పారు.