మస్కట్‌: మస్కట్‌లోని పలు ప్రాంతాల నుంచి 203 మందికి పైగా ఇల్లీగల్‌ వర్కర్స్‌ని అరెస్ట్‌ చేసినట్లు మినిస్ట్రీ ఆఫ్‌ మేన్‌ పవర్‌ వెల్లడించింది. మినిస్ట్రీ వెల్లడించిన వివరాల ప్రకారం అరెస్టయినవారిలో 55 మంది కార్మికులు, పబ్లిక్‌ ప్రాంతాల్లో కార్‌ క్లీనర్స్‌గా పనిచేస్తున్నట్లు తెలుస్తోంది. జనవరిలో నిర్వహించిన తనికీల్లో 203 మంది ఇల్లీగల్‌ వర్కర్స్‌ని అరెస్ట్‌ చేయడం జరిగిందనీ, వీరిలో 148 మంది వలసదారులైన కార్మికులు మవాలెహ్‌ సెంట్రల్‌ మార్కెట్‌లో కూరగాయలు మరియు పండ్లు అమ్మేవారిగా పనిచేస్తున్నారనీ మినిస్ట్రీ, ఆన్‌లైన్‌లో విడుదల చేసిన ఓ ప్రకటనలో పేర్కొంది.