దుబాయ్‌ నుంచి జకార్తా వెళుతున్న ఎమిరేట్స్‌ విమానం అత్యవసరంగా కొచ్చిన్‌లో ల్యాండ్‌ అయ్యింది. విమానంలో ప్రయాణిస్తున్న ఓ వ్యక్తికి తీవ్ర అస్వస్థతకు గురి కావడంతో విమానాన్ని ఎమర్జన్సీ ల్యాండ్‌ చేసి, బాధితుడ్ని ఆసుపత్రికి తరలించారు. అయితే దురదృష్టవశాత్తూ ఆ ప్రయాణీకుడు ప్రాణాలు కోల్పోవడం జరిగింది. ఆసుపత్రి వర్గాలు వెల్లడించిన వివరాల ప్రకారం మృతుడ్ని ఇండోనేసియాకి చెందిన 59 ఏళ్ళ వ్యక్తిగా గుర్తించారు. మృతదేహాన్ని ఆసుపత్రిలోని మార్చ్యురీలో వుంచారు. సంబంధీకులకు సమాచారం పంపించారు. ఫార్మాలిటీస్‌ అనంతరం, మృతదేహాన్ని స్వదేశానికి తరలిస్తారు.