కువైట్‌: 38 ఏళ్ళ కువైటీ సిటిజన్‌ని కార్ల దొంగతనం కేసుకి సంబంధించి పోలీసులు అరెస్ట్‌ చేశారు. అర్దియా ప్రాంతంలోని ఓ వెడ్డింగ్‌ హాల్‌లో పార్క్‌ చేసిన కారు నుంచి నిందితుడు విలువైన వస్తువుల్ని దొంగిలించేందుకు ప్రయత్నిస్తుండగా పోలీసులు అతన్ని పట్టుకున్నారు. ఫర్వానియా సెక్యూరిటీ మెన్‌ నిందితుడ్ని పట్టుకుని, అతని నుంచి పలు విలువైన వస్తువుల్ని స్వాధీనం చేసుకున్నారు. క్రెడిట్‌కార్డులు, సెల్‌ ఫోన్స్‌, వాహనాల అద్దాల్ని పగలగొట్టేందుకు, డోర్లను తెరిచేందుకు వినియోగించే ఉపకరణాల్ని స్వాధీనం చేసుకోవడం జరిగింది. పలు కార్లలో ఇలా తాను దొంగతనాలకు పాల్పడినట్లు నిందితుడు అంగీకరించాడు. నిందితుడ్ని క్రిమినల్‌ ఇన్వెస్టిగేషన్స్‌ డిపార్ట్‌మెంట్‌కి అప్పగించారు.