బహ్రెయిన్‌:సదరన్‌ గవర్నర్‌ షేక్‌ ఖలీఫా బిన్‌ అలి బిన్‌ ఖలీఫా అల్‌ ఖలీఫా, జపాన్‌ విలేజ్‌ని ప్రారంభించారు. బహ్రెయిన్‌ ఇంటర్నేషనల్‌ సర్క్యూట్‌లో ఈ తొలి జపనీస్‌ ఎక్స్‌పో ప్రారంభమయ్యింది. జదరన్‌ గవర్నరేట్‌ ఈ ఈవెంట్‌ని బహ్రెయినీ జపనీస్‌ ఫ్రెండ్‌షిప్‌ సొసైటీ అలాగే బహ్రెయిన్‌ ఇంటర్నేషనల్‌ సర్క్యూట్‌తో కలిసి ఏర్పాటు చేసింది. లేబర్‌ ఫండ్‌ (తమ్‌కీన్‌) సహాయ సహకారాలు అందించింది. బహ్రెయిన్‌ అలాగే పలు ఇతర దేశాల నుంచి 28 పార్టీస్‌ మూడు రోజుల ఎక్స్‌పోలో పాల్గొంటున్నాయి. ఈ ఎక్స్‌పోని ప్రారంభించడం చాలా ఆనందంగా వుందని షేక్‌ ఖలీఫా చెప్పారు. బహ్రెయిన్‌, జపాన్‌ మధ్య స్నేహపూర్వక వాతావరణం వుందనీ, బహ్రెయిన్‌లో జపనీయులు సంతోషంగా వున్నారనీ వివరించారాయన. ఇరు దేశాల మధ్య సన్నిహిత సంబంధాలు మరింత పెరుగుతాయని ఆశిస్తున్నట్లు చెప్పారు షేక్‌ ఖలీఫా.